У 2026 годзе спаўняецца 20 год “Гораду СОНца” — масштабнаму праекту Артура Клінава, і з гэтай нагоды “Тэхналогія” выпусціла каляндар!

Ч/б, сетка на шэрым фоне, на беларускай і англійскай мовах.

Выдавецтва падрыхтавала традыцыйны каляндар на будучы год — з сеткай, якая мае буйныя краткі, зручныя для вашых нататак, дасціпнай гістарычнай даведкай і вялікай колькасцю ілюстрацый. Сёлета каляндар прысвечаны Яну Вісліцкаму — сярэднявечнаму літаратару, аўтару паэмы “Пруская вайна”, і прымеркаваны да 510-годдзя з яе выдання ў Кракаве.

У свеце Вугеры спяваюць чароўныя камяні ў прошчах і плятуцца спракаветныя чары. Тут замкі і рыцары, прыўкрасныя князёўны ды старадаўнія легенды, падобныя да сненняў. Але што здарыцца, калі сны стануць кашмарамі, спеў ахоўных камянёў перарвецца, а з цёмных куткоў да чалавечых сялібаў папаўзуць пачвары?..

Пагрузіцеся ў чароўны свет і даведайцеся яго таямніцы на старонках новага фэнтэзі Маргарыты Латышкевіч.

Новае выданне вырабленае ў супрацы з выдавецтвам “Папуры”. Яно мае прыгожа аздоблены зрэз блока і парадуе пакупнікоў коштам, роўным кошту папярэдняга. Апошнія некалькі кніг першага выдання таксама можна набыць у выдавецтве са зніжкай.

Пачынаем перадзамову на новае, надзвычайнае доўгачаканае выданне!

Таямнічы, чароўны свет Падляшша… Дзе адбываюцца паломніцтвы да знакамітай «гары крыжоў» Грабаркі і стаяць чэргі да мясцовых шаптух, чые абрады не змяніліся з паганскіх часоў. Пад крылом Белавежскай пушчы прытаіліся вёскі, жыхары якіх па-свойму глядзяць на вакольны свет, па-свойму памінаюць продкаў, захоўваючы і працягваючы адметныя традыцыі. На старонках гэтай кнігі містыка часам пераплятаецца з рэчаіснасцю, свет інфернальны пачынае ўплываць на рэальны. Разам з тым героям рамана «Шаптухі» не чужыя і агульналюдскія праблемы, якіх немагчыма пазбегнуць у сучасным глабалізаваным свеце.

Зноўку ў наяўнасці — кніга ўспамінаў Мельхіёра Ваньковіча пра Беларусь канца XIX — сярэдзіны XX стагоддзя, першы наклад якой разышоўся за рэкордна кароткі тэрмін. Паспяшайцеся, каб не прапусціць і гэтае перавыданне!