У свеце Вугеры спяваюць чароўныя камяні ў прошчах і плятуцца спракаветныя чары. Тут замкі і рыцары, прыўкрасныя князёўны ды старадаўнія легенды, падобныя да сненняў. Але што здарыцца, калі сны стануць кашмарамі, спеў ахоўных камянёў перарвецца, а з цёмных куткоў да чалавечых сялібаў папаўзуць пачвары?..

Пагрузіцеся ў чароўны свет і даведайцеся яго таямніцы на старонках новага фэнтэзі Маргарыты Латышкевіч.

Новае выданне вырабленае ў супрацы з выдавецтвам “Папуры”. Яно мае прыгожа аздоблены зрэз блока і парадуе пакупнікоў коштам, роўным кошту папярэдняга. Апошнія некалькі кніг першага выдання таксама можна набыць у выдавецтве са зніжкай.

Пачынаем перадзамову на новае, надзвычайнае доўгачаканае выданне!

Таямнічы, чароўны свет Падляшша… Дзе адбываюцца паломніцтвы да знакамітай «гары крыжоў» Грабаркі і стаяць чэргі да мясцовых шаптух, чые абрады не змяніліся з паганскіх часоў. Пад крылом Белавежскай пушчы прытаіліся вёскі, жыхары якіх па-свойму глядзяць на вакольны свет, па-свойму памінаюць продкаў, захоўваючы і працягваючы адметныя традыцыі. На старонках гэтай кнігі містыка часам пераплятаецца з рэчаіснасцю, свет інфернальны пачынае ўплываць на рэальны. Разам з тым героям рамана «Шаптухі» не чужыя і агульналюдскія праблемы, якіх немагчыма пазбегнуць у сучасным глабалізаваным свеце.

Зноўку ў наяўнасці — кніга ўспамінаў Мельхіёра Ваньковіча пра Беларусь канца XIX — сярэдзіны XX стагоддзя, першы наклад якой разышоўся за рэкордна кароткі тэрмін. Паспяшайцеся, каб не прапусціць і гэтае перавыданне!

Выйшла доўгачаканая дзіцячая кніга беларускіх прыказак з малюнкамі “Лёгка сказаць”. Яна выдатна пасуе для ўсіх, хто хоча ўзбагаціць сваю мову дасціпнымі выразамі, а прыгожыя ілюстрацыі зробяць гэтую кнігу цікавай нават самым маленькім чытачам. Прыказкі размеркаваныя па тэмах, каб кнігай было зручна карыстацца ў навучанні.

Знакамітая гісторыя пра падарожжа Дароты ў Смарагдавы горад — з’явілася на роднай мове дзякуючы бліскучаму перакладу з англійскай Сержа Мядзведзева.
Кніга адметная ўнікальнымі казачнымі ілюстрацыямі Кацярыны Дубовік, якія перанясуць вас, дарагія чытачы, у свет прыгодаў і незвычайных падзей. Спяшайцеся перадзамовіць па традыцыйным акцыйным кошце!