Пытанні і адказы

Як правільна падрыхтаваць рукапіс для выдавецтва

Рукапіс варта перадаваць у раздрукаваным выглядзе, бо праца з тэкстам выконваецца на паперы. Таксама перадаецца электронны файл з тэкстам (.doc, не .docx!). Параметры афармлення тэксту:
• гарнітура – Times New Roman, Arial;
• кегель – 14 пт.;
• колер – чорны;
• адлегласць паміж радкамі – 1,5;
• палі – 3 см;
• ёсць водступы першага радка (абзацы);
• няма абзацаў, напісаных толькі вялікімі літарамі.

На тытульным аркушы ці ўверсе злева на першай старонцы пазначаецца:
• імя і прозвішча аўтара, псеўданім, калі ёсць;
• назва твора;
• тэлефон;
• e-mail.

Усе старонкі павінны быць пранумараваныя ўнізе справа.
Калі рукапіс складаецца з некалькіх частак, кожная пачынаецца з новай старонкі.

Калі запланаванае выданне павінна змяшчаць ілюстрацыі, яны таксама перадаюцца ў выдавецтва ў раздрукаваным і электронным выглядзе ў фарматах .jpg, .tif, .png, .psd, .cdr. Прыдатная для друку якасць – не менш за 300 dpi, выявы з меншым раздзяленнем не заўсёды можна ўлучыць у кнігу. Фотаздымкі лепш перадаць у выдавецтва, каб спецыяліст адсканаваў іх тут з патрэбнымі параметрамі.