Анатацыя
У час, калі пярэстае багацце разнастайнага графічнага дызайну запаўняе прастору вакол нас, часам бывае складана выбраць патрэбнае і адкінуць лішняе. Спецыяльна для выпадкаў, калі не хочацца ўпускаць сутнасці, мы падрыхтавалі невялічкую серыю максімальна стрыманых паштовых картак. Два варыянты формы — з указаннем падарунку і без яго — дазволяць вам павіншаваць калегу, сябра, начальніка, настаўніка, рабочага, навукоўца — словам, абсалютна любога чалавека з абсалютна любым святам надзвычай сур’ёзным чынам, каб яны дакладна ведалі, што вы — сур’ёзны чалавек, які не марнуе свой час на выбар рэчаў, якія ў канцавым выніку не маюць аніякага значэння.
