Пачынаем перадзамову на новае, надзвычайнае доўгачаканае выданне!

Таямнічы, чароўны свет Падляшша… Дзе адбываюцца паломніцтвы да знакамітай «гары крыжоў» Грабаркі і стаяць чэргі да мясцовых шаптух, чые абрады не змяніліся з паганскіх часоў. Пад крылом Белавежскай пушчы прытаіліся вёскі, жыхары якіх па-свойму глядзяць на вакольны свет, па-свойму памінаюць продкаў, захоўваючы і працягваючы адметныя традыцыі. На старонках гэтай кнігі містыка часам пераплятаецца з рэчаіснасцю, свет інфернальны пачынае ўплываць на рэальны. Разам з тым героям рамана «Шаптухі» не чужыя і агульналюдскія праблемы, якіх немагчыма пазбегнуць у сучасным глабалізаваным свеце.

Польшча — краіна з багатымі традыцыямі, якія сыходзяць сваімі каранямі глыбока, аж да Рэчы Паспалітай, якую нярэдка называюць “першай рэспублікай”. Але ці так гэта насамрэч? У свежавыдадзеным перакладзе аўтар, доктар паліталогіі і культуралогіі, разважае пра тое, ці напраўду сучасная польская дзяржава з’яўляецца паўнапраўнай спадкаемцай старадаўніх традыцый.

Зноўку ў наяўнасці — кніга ўспамінаў Мельхіёра Ваньковіча пра Беларусь канца XIX — сярэдзіны XX стагоддзя, першы наклад якой разышоўся за рэкордна кароткі тэрмін. Паспяшайцеся, каб не прапусціць і гэтае перавыданне!

У свеце Вугеры спяваюць чароўныя камяні ў прошчах і плятуцца спракаветныя чары. Тут замкі і рыцары, прыўкрасныя князёўны ды старадаўнія легенды, падобныя да сненняў. Але што здарыцца, калі сны стануць кашмарамі, спеў ахоўных камянёў перарвецца, а з цёмных куткоў да чалавечых сялібаў папаўзуць пачвары?..

Пагрузіцеся ў чароўны свет і даведайцеся яго таямніцы на старонках новага фэнтэзі Маргарыты Латышкевіч.

Працяг мемуараў Марыі Чапскай апавядае пра міжваенны перыяд у Беларусі — часы пераломных момантаў не толькі для краіны ў цэлым, але і для мільёнаў лёсаў асобных людзей. Набыць можна як асобна, так і ў камплекце з папярэдняй кнігай аўтаркі са зніжкай.